За ZIN.MK

Ние не сме само издавач — ние сме заедница посветена на засилување на независните гласови и поместување на границите на традиционалното раскажување.

За проектот

ZIN.MK e иновативна платформа за алтернативно издаваштво развиена од Здружението на граѓани „Арт Еквилибриум“ од Гевгелија и Здружение за нови уметности, екологија и технологија „3.14 Брокули“ - Скопје, во партнерство со:

Здружение за развој на игри „Галактик Омнивор“ - Скопје
ИТ консалтинг и развој на софтвер „ДЕВХАБ“ ДОО
„Партизанска Штампа“ - Скопје

Платформата е наменета за млади на возраст од 16 до 28 години – студенти, независни автори, DIY креатори и уметници и други, со посебен акцент на жени и лица од маргинализирани и рурални заедници. Се реализира во периодот септември 2025 - јуни 2026 година, примарно во Гевгелија, со онлајн компонента достапна низ целата земја.

Преку хибридни работилници, менторска поддршка, еко-принт продукција и дигитален развој, овој проект го пополнува јазот во независната културна сцена. Клучните активности вклучуваат тродневна креативна работилница во Гевгелија, месечно онлајн менторирање преку Discord, работилница за еколошко сито-печатење во Скопје и јавна панел-дискусија. Резултати се 30+ обучени млади, 8 оригинални публикации и 200 физички примероци дистрибуирани до училишта, НВО и јавни установи.

Ние веруваме дека културата е право, не привилегија и дека секој млад креативец заслужува простор да биде слушнат. ZIN.MK е слободна дигитална архива и медиум за публикување, вмрежување и промоција на алтернативната уметност, простор кој останува отворен и активен за сите.

ZIN.MK е поддржан преку проектот „Култура за развој“

Проектот „Култура за развој“ го поддржува независниот културен сектор во Република Северна Македонија, користејќи ја културата и уметностите за поттикнување критичко размислување за општествените прашања важни за локалните заедници. Целта е да се стимулира поотворено и демократско општество преку јакнење на социјалната кохезија, демократските процеси и општествениот дијалог, како и преку охрабрување на соработката меѓу културните институции. Проектот „Култура за развој“ е поддржан од Владата на Швајцарија, а се имплементира од страна на Хратефакт Фонд од крајот на 2024 година до крајот на 2028 година.

Нашата приказна

ZIN.MK произлезе од едноставно сознание: највлијателните приказни често доаѓаат од маргините. Основан во 2025 година од колектив на писатели, уметници и креативци, ZIN.MK има за цел да создаде простор каде што неконвенционалните гласови можат да се развиваат.

Она што започна како мала мрежа за дистрибуција на зинови, денес прерасна во платформа за алтернативно издаваштво која поддржува автори во различни формати — од андерграунд стрипови до иновативни TTRPG системи.

Секој проект што го поддржуваме ги преиспитува постоечките норми, отвора нови перспективи и ги поместува креативните граници. Веруваме дека разновидноста во раскажувањето не е само важна — таа е неопходна.